প্ৰধানমন্ত্ৰী চাহ শ্ৰমিক প্ৰোৎসাহন যোজনা এই আঁচনিখনে ৮০০ খন চাহ বাগিছাৰ ৭ লাখৰো অধিক চাহ শ্ৰমিক সামৰি লৈছে। প্ৰধামন্ত্ৰী চাহ শ্ৰমিক প্ৰোৎসাহন যোজনাৰ অধীনত আজি মনাই চাহ বাগিছা প্ৰাথমিক বিদ্যালয়ত অধীনত আন্ত:গাঁথনি উন্নয়নৰ কাৰণে ১লাখ ২২ হাজাৰ টকাৰ আধাৰশিলা স্থাপন কৰে নদুৱাৰ সমষ্টিৰ বিধায়ক পদ্ম হাজৰিকাই। দিকৰাই চাহ বাগিছা প্ৰাথমিক বিদ্যালয়তো উক্ত আঁচনিৰ অধীনত “আন্ত:গাঁথনি উন্নয়নৰ” কাৰণে ৮৭ লাখ ৫৩ হাজাৰ টকা ব্যয়েৰে আধাৰশিলা স্থাপন কৰে বিধায়কগৰাকীয়ে। গেলা হাটিংগা চাহ বাগিছা প্ৰাথমিক বিদ্যালয়লয়খনতো এই আঁচনিৰ অধীনত আন্ত:গাঁথনি উন্নয়নৰ কাৰণে ২৭ লাখ ৯৮ হাজাৰ টকাৰ আধাৰশিলা স্থাপন কাৰ্য সম্পন্ন কৰে।