গুৱাহাটীৰ ৰাজভৱনত অনুষ্ঠিত গাম্ভীৰ্য্যপূৰ্ণ এক অনুষ্ঠানত ড° নিৰঞ্জন কলিতাই অসম পশু চিকিৎসা আৰু মীন বিশ্ববিদ্যালয়ৰ প্ৰথম উপাচাৰ্য হিচাপে শপত লয়। অসমৰ ৰাজ্যপালে তেখেতক শপত বাক্য পাঠ কৰোৱায়। খানাপাৰাৰ পশু চিকিৎসা বিজ্ঞান মহাবিদ্যালয়ত শিক্ষকতা আৰু গৱেষণাৰ ক্ষেত্ৰখনত তিনি দশকৰো অধিক সময় ড° নিৰঞ্জন কলিতা ব্ৰতী হৈ আছে। এই অনুষ্ঠানত পশু চিকিৎসা আৰু পশুপালন আৰু মীন মন্ত্ৰী কৃষ্ণেন্দু পল, মুখ্য সচিব আৰু খানাপাৰাৰ পশু চিকিৎসা বিজ্ঞান মহাবিদ্যালয়ৰ জ্যেষ্ঠ বিষয়াসকল আৰু অন্যান্য বিশিষ্ট ব্যক্তিসকলে অংশগ্ৰহণ কৰে।