১৯৩৬ চনত আজমগড়ত পণ্ডিত ছন্নুলাল মিশ্ৰৰ জন্ম হৈছিল। খয়াল, থুমৰি, দাদৰা, চৈয়তি, কাজৰী, ভজন আদিলৈ কণ্ঠশিল্পীগৰাকীয়ে বিশেষ অৱদান আগবঢ়াইছিল। বয়স সম্পৰ্কীয় অসুস্থতাৰ বাবে ১৭-১৮ দিন চিকিৎসালয়ত থকাৰ পাছত ২ অক্টোবৰ ২০২৫ তাৰিখে ৮৯ বছৰ বয়সত পণ্ডিত ছন্নুলাল মিশ্ৰই ইহলীলা সম্বৰণ কৰে। ভাৰতৰ প্ৰধানমন্ত্ৰী নৰেন্দ্ৰ মোদী ডাঙৰীয়াই পণ্ডিত ছন্নুলাল মিশ্ৰৰ পৰিয়াললৈ সমবেদনা জ্ঞাপন কৰাৰ লগতে তেখেতে শাস্ত্ৰীয় সংগীতৰ ক্ষেত্ৰখনলৈ আগবঢ়াই যোৱা অৱদানৰ প্ৰশংসা কৰে।