প্ৰয়াত কণ্ঠশিল্পী জুবিন গাৰ্গৰ আকস্মিক বিয়োগৰ লগত সংগতি ৰাখি আয়োজিত এই শ্ৰদ্ধাঞ্জলি অনুষ্ঠানত তেখেতৰ প্ৰতিচ্ছবিৰ সমুখত ১ মিনিটৰ মৌন প্ৰাৰ্থনা কৰি ফুল আৰু মাটিৰ চাকিৰে জুবিন গাৰ্গৰ বিদেহী আত্মাৰ চিৰশান্তি কামনা কৰা হয়। এন ই চি চি আই এল মাৰ্ঘেৰিটাৰ জেনেৰেল মেনেজাৰ কে মেৰে আৰু সাংসদ দত্ত, চি এছ আৰ বিষয়া শান্তনু হাজৰিকাৰ লগতে কয়লা ইণ্ডিয়া মহিলা সমাজৰ সভাপতি, উপ-সভাপতি, সাধাৰণ সম্পাদক, আৰু অন্যান্য সদস্যসকলে শ্ৰদ্ধাঞ্জলি জ্ঞাপন কৰিবলৈ আহিছিল। লিডুত অনুৰাগীসকলে মমবাতিৰ পোহৰত উলিওৱা শোভাযাত্ৰাত হাজাৰ-হাজাৰ লোকে অংশগ্ৰহণ কৰিছিল। লিডু ৰেলৱে ষ্টেচনতো এক শ্ৰদ্ধাঞ্জলি অনুষ্ঠান অনুষ্ঠিত হৈছিল, য’ত মাউংলাং খামতি বৌদ্ধ বিহাৰৰ ভিক্ষু জ্যোতিকা ভান্টে আৰু জ্যেষ্ঠ সাংবাদিক জগত চাংমাইয়ে বন্তি প্ৰজ্বলন কৰিছিল।