জয়পুৰত জন্ম গ্ৰহণ কৰা পিযুষ পাণ্ডেই অগিলভিত প্ৰশিক্ষাৰ্থী একাউণ্ট এক্সিকিউটিভ হিচাপে কৰ্মজীৱন আৰম্ভ কৰিছিল আৰু পিছলৈ সৃষ্টিশীল ক্ষেত্ৰখনত অধিক সক্ৰিয়ভাৱে জড়িত হয়। ১৯৮২ চনত অগিলভি এণ্ড মাথাৰ ইণ্ডিয়া (বৰ্তমান অগিলভি ইণ্ডিয়া)ত যোগদান কৰাৰ পূৰ্বে পাণ্ডেই ক্ৰিকেট, চাহ টেষ্টিং, আৰু নিৰ্মাণৰ কাম কৰিছিল। “হৰ খুছি মেইন ৰাং লায়ে”, কেডবেৰীৰ “কুচ খাছ হায়”, ইত্যাদি বিজ্ঞপনত তেখেতৰ সৃজনীশীল প্ৰতিভা আৰু কলাত্মক চিন্তাৰ উমান পোৱা যায়। ২০০৪ চনত তেখেতে কান লায়ন্স আন্তঃৰাষ্ট্ৰীয় সৃষ্টিশীলতা উৎসৱত জুৰীৰ সভাপতি হিচাপে কাৰ্যনিৰ্বাহ কৰা প্ৰথম এছিয়ান হোৱাৰ কৃতিত্ব অৰ্জন কৰিছিল। প্ৰধানমন্ত্ৰী নৰেন্দ্ৰ মোদী ডাঙৰীয়াই পিযুষ পাণ্ডেৰ মৃত্যুত শোক প্ৰকাশ কৰিছে।