সাধাৰণ ৰাইজৰ মাজত স্বাস্থ্য সম্পৰ্কীয় সচেতনতা বৃদ্ধি কৰা, বিনামূলীয়া স্বাস্থ্য পৰীক্ষা আদি ৰাইজৰ বাবে উপলব্ধ কৰাবলৈ নদুৱাৰ সমষ্টিৰ জামুগুৰিহাটৰ পকামূৰা পথাৰত আজি “মেগা স্বাস্থ্য মেলাৰ” সফলভাৱে আয়োজন কৰা হয়৷ পুৱাই এই স্বাস্থ্য মেলা শুভ উদ্ধোধন কাৰ্যসূচীত অংশগ্ৰহণ কৰে নদুৱাৰ সমষ্টিৰ বিধায়ক পদ্ম হাজৰিকা৷ সমষ্টিটোৰ বিভিন্ন প্ৰান্তৰ পৰা ৰোগীসকল আহি এই স্বাস্থ্য মেলাত অংশগ্ৰহণ কৰে। প্ৰায় ৫০ গৰাকী অভিজ্ঞ চিকিৎসকে বিভিন্ন ৰোগৰ ৰোগীসকলক চিকিৎসা সেৱা আগবঢ়াইছে। এই অনুষ্ঠানত ১৮ বছৰৰ তলৰ শিশু, কিশোৰ-কিশোৰীৰ বৃক্ক, স্নায়ু, হাৰ্ট, চকু, নাক, কাণ, আদি বিভিন্ন ৰোগৰ চিকিৎসা প্ৰদান লগতে পৰীক্ষা কৰি চিকিৎসসকলে ঔষধ প্ৰদান কৰিছে। এই স্বাস্থ্য মেলাত সমষ্টিটোৰ প্ৰায় দহ সহস্ৰাধিক ৰোগীয়ে অংশগ্ৰহণ কৰিছে৷ জটিল ৰোগত আক্ৰান্তসকলক উন্নত চিকিৎসাৰ বাবে বাহিৰলৈ নিয়াৰ ব্যৱস্থা কৰা হৈছে ৷