ছাত্ৰ-ছাত্ৰীৰ সৰ্বাঙ্গীন বিকাশৰ ক্ষেত্ৰত শৈক্ষিক ভ্ৰমণে এক বিশেষ ভূমিকা পালন কৰে। বিদ্যালয় তথা মহাবিদ্যালয়সমূহে এই পদক্ষেপ গ্ৰহণ কৰিলে ছাত্ৰ-ছাত্ৰীৰ ব্যৱহাৰিক জ্ঞানৰ পৰিসৰ বৃদ্ধি হয়। যোৱা ৪ নৱেম্বৰ তাৰিখে শিৱসাগৰৰ এখন অগ্ৰণী শিক্ষানুষ্ঠান টি আৰ বি ছিনিয়ৰ ছেকেণ্ডাৰী স্কুলৰ ছাত্ৰ-ছাত্ৰীসকলে শিক্ষক-শিক্ষয়িত্ৰীসকলৰ সৈতে আহি কন্যকা বহুমুখী কৃষিপামত শিক্ষামূলক ভ্ৰমণৰ বাবে উপস্থিত হয়। যোৱাকালি এই শিক্ষানুষ্ঠানৰ শিক্ষাগুৰু তথা ছাত্ৰ-ছাত্ৰীসকলৰ সৈতে সময় অতিবাহিত কৰি সুখী অনুভৱ কৰে নদুৱাৰ সমষ্টিৰ বিধায়ক পদ্ম হাজৰিকাই। তেখেতে আশা কৰে যে শিক্ষাগুৰুসকলৰ মাৰ্গদৰ্শনত ছাত্ৰ-ছাত্ৰীসকলে নিজৰ শৈক্ষিক জীৱনত সফলতা লাভ কৰিবলৈ সক্ষম হ’ব।